Stormlantern – Johann Lodewyk Marais met Christili Muller

Suid-Afrika deel sy langste grens met Botswana en albei lande het Engels en Setswana as amptelike tale. Albei lande deel ook ‘n koloniale verlede, maar verskil wel in politiese vreedsaamheid. Danksy sy stewige ekonomie, eiesoortige kultuur en minder korrupsie is die land gewild by toeriste, veral Suid-Afrikaners, wat deur die uitsonderlike natuurskoon en wildernisgebiede gelok word. In Stormlantern skryf Johann oor ‘n besoek saam met twee medereisigers aan Botswana. Hulle ervarings tydens die reis in hierdie unieke land word ingekleur met beskrywings van die landskap, die fauna en flora en selfs boeiende ontmoetings en gesprekke met mense.

Sowel Johann Lodewyk Marais as Christili Muller se waardering vir die land spreek duidelik en dra by tot ‘n inspirerende leeservaring.